Selman Riza (1909 - 1988)

Ka lindur në Gjakovë më 1909. Ka pasur një përgatitje të mirë shkollore franceze (ka kryer Liceun Kombëtar të Korçës dhe për tre vjet 1932 - 1935 studimet në Francë në fushën e gjuhësisë dhe të drejtësisë) dhe ka qenë njohës i mirë i shumë gjuhëve të huaja (i njihte diku 12 gjuhë). Këto janë dy parakushte që Selman RIZËS i mundësuan të krijojë një personalitet të madh dhe një akribi të rrallë shkencore në studimet e tij gjuhësore të mëvonshme.

më gjerësisht ...

Paul Kreçmer-i (1866-1956)

Ishte një nga indoevropianistikë më të mëdhenj gjermanë. Por ne shqiptarët kemi plot arsye për të kujtuar këtë dijetar të madh. Në veprën e tij Hyrje në historinë e gjuhës greke, në kapitullin VII („Fiset ilire“) i afrohet studimit të shqipes. Aty hiqen qartë vijat e filiacionit që lidhin gjuhën tonë me ilirishten e vjetër. 

më gjerësisht ...

Kostaq Cipo (1882-1952)

Ishte veprimtar i shquar i arsimit shqiptar dhe lëvrues i dalluar i gjuhësisë shqiptare. Studimet e larta për filologji i kreu me sukses në Universitetin e Romës. Në vitet 1921-1939 punoi si mësues i gjuhës dhe i letërsisë në shkollat e ndryshme të Shqipërisë, kryesisht në Liceun e Korçës.

më gjerësisht ...

István Schütz

Është një emër i njohur prej kohësh në fushën e studimeve albano-ballkanologjike. Mund të thuhet se ai përfaqëson jo vetëm vetveten, por njëkohësisht albanologjinë hungareze të ditëve tona dhe rasti i tij vërteton rregullën që të gjithë ata studiues, të cilët kureshtja shkencore i ka shtyrë që në moshë të re të mësojnë gjuhën shqipe dhe të njihen me visaret e kulturës shpirtërore e materiale të popullit shqiptar, janë bërë edhe miq me besë të këtij populli me origjinalitet kaq të spikatur në të gjitha fushat e jetës.

më gjerësisht ...

Mahir DOMI (1915-2000)

Ishte një ndër themelvënësit e arsimit të lartë dhe të shkencës albanologjike në Shqipëri. Prandaj emri i tij do të zërë një vend nderi në historinë e arsimit dhe të shkencës sonë, krahas emrave të tillë të nderuar si Aleksandër Xhuvani, Kostaq Cipoja, Eqrem Çabej, Aleks Buda, Selman Riza, Shaban Demiraj, Idriz Ajeti etj.

Lexo shkrimin e plotë në (PDF, 79 KB)  ...

Artikuj tjerë ...

Page 3 of 4