Ky punim është një version i shkurtër nga kumtesa me të njëjtin titull që është lexuar në Tiranë me rastin e 100-VJETORIT TË PAVARËSISË SË SHQIPËRISË. Kjo kumtesë, sikundër mund të vihet re edhe nga vetë titulli, prezanton rrugët, ecurit dhe sfidat nëpër të cilat ka kaluar gjuha shqipe e standardizuar, e kodifikuar këtu e 40 vjet më parë në Kongresin e Drejtshkrimit (1972).
Lexo shkrimin e plotë ( PDF, 123 KB) ...
Në këtë artikull bëhet fjalë për përdorimin gabim të fjalëve shqipfolës dhe shqiptar, duke i ngatërruar shpesh kuptimet e tyre. Fjala "shqiptar", përveç që ngërthen në vete kuptimin e atij që flet shqip", ka edhe elemente të tjera që lidhen me identitetin e personit, që është kultura, historia, tradita etj. Ndërkaq fjala "shqipfolës", që shpesh po del e përdorur gabim, po përdoret me kuptimin e kësaj të dytës. Fundja "shqipfolës" mund të jetë secili që flet shqip, por shqiptar jo...
Lexo shkrimin e plotë në (PDF, 88 KB) ...
Punimi ynë me titull: Konceptet e Rexhep Ismajlit për gjuhën, karakterin identitar të saj dhe rishikimin e standardit" nuk presupozon përshkrimin shterues të qëndrimeve të Ismajlit rreth këtyre tri çështjeve gjuhësore. Prandaj, në këtë punim, i cili nuk do mend se u nënshtrohet kritereve të botimit në një libër të posaçëm (Festschrift), në 65-vjetorin e lindjes së tij, vetëm do të vëmë në pah disa nga konceptet Ismajlit për çështjet e shtruara. Qëllimi konsiston në interpretimin e koncepteve që kanë të bëjnë me planifikimin, politikat gjuhësore, karakterin identitar të gjuhës, si dhe debatet që po bëhen sot rreth standardit të shqipes.
Lexo shkrimin e plotë ( PDF, 133KB) ...
Në këtë shkrim flitet për përdorimin e tepruar e të panevojshëm të fjalëve të huaja në gjuhën e sotme shqipe dhe mundësinë e zëvendësimit të tyre, sa herë që është e mundur, me fjalë e shprehje të bukura burimore shqipe.
Lexo shkrimin e plotë (PDF, 89 KB) ...
Në këtë punim seminari, autori Mentor Hajrizim ka paraqitur teoritë ose mendimet për rrjedhën, origjinën, përkufizimet dhe raportet midis gjuhës, kulturës dhe mendimit.A ka ardhur në përfundim se raportet ndërmjet tyre, domosdoshmërisht, nuk mund të jenë në pajtim në mes vete, sepse ato herë janë të arsyeshme e herë të paarsyeshme.
Lexo shkrimin e plotë ( PDF, 161.01 KB)...
Rishikimi i standardit, përmirësimi dhe pasurimi i tij gjithnjë e më shumë po bëhen çështje diskutimesh ndër gjuhëtarët shqiptarë. Së fundi rekomandimet e Konferencës shkencore: Shqipja në etapën e sotme: politikat e përmirësimit e të pasurimit të standardit, mbajtur në Durrës, në fund të dhjetorit të vjetëm, në kuadër të këtij rishikimi, për herë të parë ka hapur perspektivën për integrimin edhe të paskajores gege me+pjesorja në gjuhën standarde.
Në këtë shkrim autori ka vënë në spikamë disa raste të përdorimit jo të drejtë të disa ndërtimeve gjuhësore, vështruar nga aspekti kuptimor- semantik, në mediat tona të sotme të shkruara dhe elektronike.
Lexo shkrimin e plotë (PDF, 89 KB) ...